بسم الله الرحمن الرحيم اللهم صل على محمد وآل محمد سلام على آل ياسين ، السلام عليك يا داعي الله ورباني آياته ، السلام عليك يا باب الله وديان دينه ، السلام عليك يا خليفة الله وناصر حقه ، السلام عليك يا حجة الله ودليل ارادته ، السلام عليك يا تالي كتاب الله وترجمانه ، السلام عليك في آناء ليلك واطراف نهارك ، السلام عليك يا بقية الله في ارضه ، السلام عليك يا ميثاق الله الذي اخذه ووكده ، السلام عليك يا وعد الله الذي ضمنه ، السلام عليك ايها العلم المنصوب والعلم المصبوب والغوث والرحمة الواسعة وعدا غير مكذوب. السلام عليك حين تقوم ، السلام عليك حين تقعد، السلام عليك حين تقرأ وتبين ، السلام عليك حين تصلي وتقنت ، السلام عليك حين تركع وتسجد ، السلام عليك حين تهلل وتكبر ، السلام عليك حين تحمد وتستغفر ، السلام عليك حين تصبح وتمسي 0 السلام عليك في الليل اذا يغشى والنهار اذا تجلى ، السلام عليك ايها الامام المأمون ، السلام عليك ايها المقدم المأمول، السلام عليك بجوامع السلام اشهدك يا مولاي اني اشهد ان لا آله الا الله وحده لا شريك له ، وان محمدا عبده ورسوله ، لا حبيب الا هو واهله صلى الله عليه وآله وسلم تسليما كثيرا 0 واشهدك يا مولاي ان عليا امير المؤمنين حجته ، والحسن حجته ، والحسين حجته ، وعلي بن الحسين حجته ، ومحمد بن علي حجته ، وجعفر بن محمد حجته ، وموسى بن جعفر حجته ، وعلي بن موسى حجته ، ومحمد بن علي حجته ، وعلي بن محمد حجته ، والحسن بن علي حجته ، واشهد انك حجة الله 0 انتم الاول والآخر ، وان رجعتكم حق لا ريب فيها ، يوم لا ينفع نفسا ايمانها لم تكن آمنت من قبل او كسبت في ايمانها خيرا 0 وان الموت حق ، وان ناكرا ونكيرا حق 0 واشهد ان النشر حق والبعث حق ، وان الصراط حق ، والمرصاد حق ، والميزان حق، والحشر حق، والحساب حق ، والجنة والنار حق ، والوعد والوعيد بهما حق 0 يا مولاي ، شقي من خالفكم ، وسعد من اطاعكم ، فأشهد على ما اشهدتك عليه ، وانا ولي لك ، بريء من عدوك ، فالحق ما رضيتموه ، والباطل ما اسخطتموه ، والمعروف ما امرتم به ، والمنكر ما نهيتم عنه ، فنفسي مؤمنة بالله وحده لا شريك له وبرسوله صلى الله عليه وآله ، وبأمير المؤمنين ، وبكم يا مولاي اولكم وآخركم ، ونصرتي معدة لكم ، ومودتي خالصة لكم ، آمين آمين ، والحمد لله رب العالمين
Image and video hosting by TinyPic

Tags H1 to H6

منتديات شيعة علي عليه السلام وفاطمة الزهراء عليها السلام

لطميات حيدرموسى الخفاجي

لطميات حيدرموسى الخفاجي
إضافة رد
قديم 10-01-2012, 07:34 PM   #1
عبيرالحب
عضو جديد

عبيرالحب غير متواجد حالياً
افتراضي لطميات حيدرموسى الخفاجي

 

 

 

عباس عباس . غيره وشجاعة ومرجــــــــــــــلة.
عباس.عباس. ياشعريكــــــدريوصـــــــــــــلـه.

يابوألملمات سموك سبع ألكــــــــنطره.
وأركاب ألارجال بالنهروان أمبــــتره
.عباس من صال علجيش يوم ألأخره.
ألفرسان بالكاع جن بنفجارمــــــوذره.

عباس عباس. سيفك زلازل قاتـــــــــله
عباس.عباس. ياشعريكــــــدريوصلـه.

ياساقي ألأيتام من صبرك يدوخ ألصبر.
راية ألكراربيدك ترفرف للنـــــــــــصر.
سفرت ألجوعان منهاجة يرفض كل فقر
سيفه أعله ألأعداء بركابهم صله ألضهر.

عباس عباس للنصرخـــــــــــط ألفاصله.
عباس.عباس. ياشعريكــــــدريوصلـه.

بمولدك فرحان بكاروكك أيطيح ألكمر.
وألوردخجلان يكتب على خدودألمطر.
عباس عباس ناده ألشجروي ألنـــــهر.
بسمك ينادون هألمبتدأوي ألخــــــــــبر.
عباس عباس. وألخيرصاح بسنبــــــــله.
عباس.عباس. ياشعريكــــــدريوصــــلـه.


بكربله ألأبطال خوفا تموت بخزرتك
بالروس عباس مثل ألقنابل ضربتك.
من رادوألماي شلت ألفرات بيمنتــك.
ماضلت جيوش بلعت زلمهم جربتك.
عباس عباس شال بيمينه كربلـــــــــه.
عباس.عباس. ياشعريكــــــدريوصلـه.

فرحان أبوحسين وام ألبنين ألتفتـــــــخر.
ميلادعباس زينب تهني وتبتـــــــــــــشر.
يابوألبطولات وجداني يكتبلك شـــــــعر.
محبرتي ألبحوروألورقه ألي لون ألفجر.
عباس عباس زينب تكلك ياهلـــــــــــــــه
عباس.عباس. ياشعريكــــــدريوصلـه.



كلمات حيدرموسى الخفاجي




.






دنيانه فوك ألكاع فرشت سماهه.
بميلادأبوألأحرار أشرق ضواهه.

يفرش جناحه يمه جــــــــبريل بخجل
وصلت ألبسمه فوك جنحه وكلهه أمل
فرحه وتعم ألكون وأوسع مداهه
بميلادأبوألأحرار أشرق ضواهه

صلت أرموشي على أعيوني ألنظرته
وسجدت أدموعي فوك خـــدي وباسته
نارألألم بحشاي حبك طفاهــــه
بميلادأبوألأحرار أشرق ضواهه

ألصبح لاكاني كاعدشعنده ألـــــــبدر
ألليل هناني وكام يقرالي شــــــــــعر
بيك ألله عل أملأك كال وتباهه
بميلادأبوألأحرار أشرق ضواهه










أجبــــــال دلالــي أنحنت لمن شافتك
بحضرتــك روحي أمنتهه بحضرتك
وألشمس حكهه أتطيح سهمك رماهه
بميلادأبوألأحرار أشرق ضـــــواهه


مشت ملهوفه بمكه طافت كربله
تلبي بحروفك شمعه أجتك شايله
وألدنيه خفت حيل ذكرت صباهه
بميلادأبوألأحرار أشرق ضواهه






كلمات حيدرموسى الخفاجي










طشت وردهالفرحه .يعباس.
وألكون أشرق صبحه .يعباس

.بمولد ألعباس يامـــحله ألسماء
.وألكواكب تركص بهذإ ألفظاء
.نزلت ألجنــــــــه تقبل كربلاء.
زارت حسين ألرسل وألأنبياء.
من أترابك أخذت ســـــــــــــــــــبحه يعباس.
وألكون أشرق صبحه .يعباس

جيش وحده بالحرب يفني ألحشود.
ترتعد من صرختة أكلوب ألأسود.
ألسيف بيده يقبل أركاب ألجــــنود.
يفني عاد بظربتة ويهلك ثمـــــــود.
وألكلب يلتــــــــــــــــــــــم جرحة.يعـــــباس
وألكون أشرق صبحه .يعباس

بالفرح جبريل بارك للحسيـــــــن.
وفرحت ألزهراء وي أم ألبنيـــــن
أنهني زينب بالفرح وألمرسليـــن.
أنهني طه وألحسن وألموءمنــــين.
وصدورنه ألمنـــــــــــــــــــشرحه. يعباس.
وألكون أشرق صبحه .يعباس




ألفاتحه ترتل عجم بالمرســــــلات.
وألشعرهام وشرب ماي ألحــــيات.
أعله بوفاظل صلت بشوك ألصلات.
وتقره أيات ألكتاب ألواضـــــــحات.
ينكتب بجمل صــــــــــــــــــــــــفحه يعباس.
وألكون أشرق صبحه .يعباس

.يوصف ألعباس يكدريافـــــــــــــــكر.
لامقاله ولاخطابه ولا نــــــــــــــــــثر
وألثره ماينوصف وي ألـــــــــــــــبدر.
بدرعباس أنسحربيه ألفــــــــــــــــــجر.
وألفائـــــــــزأحنـــــه انرشــــــــــــحه يعباس.
وألكون أشرق صبحه .يعباس
******************************************كلمات حيدرالخفاجي












غنت ألأزهار .مولدألأطهار
هله بميلادألحسين.وهله بزين ألعابدين.

ضحكت ألجنه وبزغ نور ألعرش.
وألوردبلوانه أصبح منفـــــــــرش.
فوك خدألشمس أسمك منـــــــــقش
.وعلأرض جكليت نجماته تطــش.
هله بالحق وأليقين. وهله بزين ألعابدين

نهني حيدربالولاده وفاطمـــــــــــه.
نرسم أسمك لوحه بنجوم ألسمـــــه.
وكل حرف من ألحسين أنكلمــــــه.
حروفه قران وملائك تفهــــــــــمه.
أشرق ألنورألمبين. وهله بزين ألعابدين

نورعباس ألكمرهل علـــــــــــوجود.
بزين ألعبادألفرح ماله حــــــــــــدود.
ومولدألغايب أملنه ألي يقــــــــــــــود
.ننتضرمهدينه لحبابة يعـــــــــــــــود
.من يفز ألياسمين. وهله بزين ألعابدين







ألله سماه ومحمدمفتــــــــــــــــــــــخر.
قبل أشفافه ويضمه أعله ألــــــــصدر
.صاح ياأمتي ماريدن أجـــــــــــــــر.
لليحب حسين أشفع بالحـــــــــــــــشر.
وصه سيدألمرسلين. وهله بزين ألعابدين

جنة ألأفراح ميلادألســــــــــلام.
بحب ابوألسجاد ياخذنه ألغــرام.
بالصحن فرحان ويحوم ألحـمام.
شعت ألأنواروأنزاح ألظــــــلام.
هله بخيرألساجدين وهله بزين ألعابدين
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘

كلمات حيدرالخفاجي











تنادي ألبسمه يامهدي. وتصيح ألكلمه يامهدي.

الفراشات بجنحهه تكتب حروف .
والوردات تنتظرك يـــــــــــغايب
.ألشمس وي ألكمرذابن يموعود.
لجل ألمهدي سهرانه ألكواكـــب.
ننطرك والحلم وردي--- وتصيح ألكلمه يامهدي
.
مثل يعقوب يايوسف أملـــــــنه.
ننتظرك تردلنه نظـــــــــــــرنه.
نتمنه نشوفك ســـــــيدي بساع.
غيابك طال وشويه عمـــــــرنه.
روحي فدوه وألعندي.--- وتصيح ألكلمه يامهدي

صحراء ألكلب مشتاكه للماي.
غيوم ألخيربجفوفك مـــطرهه.
وبستان ألمشاعريهوه ألورود.
أزهارك نريد أنشم عطــرهه.
وياك واكدت عهدي.--- وتصيح ألكلمه يامهدي








مصدرللجمال أنوارك أتـــصير.
منهه أنسحرت أصوات ألبلابل.
ياأجمل لحن بحلوك ألأطفـــال.
شمس تعكس على ألوان ألسنابل.
ألفظائل مصدرك تبدي.---- وتصيح ألكلمه يامهدي

عجيبه ألليل من يصفن يرجواي.
نحسه يرتجي شمسك يابوألخير.
شمسك مومثل هاي ألشمس دوم.
من فيهه الربيع ألوانه أتحيــــــر
ألذهب من طبعه مايصدي--- وتصيح ألكلمه يامهدي
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘كلمات حيدرالخفاجي ‘‘‘














الكون ونجومه سجد.----- سيدألجنه أنولد.
أنهني حيدربالولاده
.
وي عصافيرألمحبه .زقزقة روحي أعله حبه.
أحنه ناس وعشكه كعبه .نطوفه وألجنه نحسبة.
ألله يامحله ألسعاده. أنهني حيدربالولاده

غنت ألورده بصباحي .وارتدي ألبسمه وشاحي.
تكسرت بالحب رماحي.أستسلمت وأبدي أقتراحي.
حب ابوأليمه عباده. أنهني حيدربالولاده



ذابت أمالي بحنيني .بظرف أجمع كل سنيي.
هاك خذهن وي عيني .فقط تقبلني حسيني.
والمحب عندك مراده. أنهني حيدربالولاده













تثلج بحبك جهنم .وألوردبهواك مغرم.
وألبحرمايه تكلم .صاح صلى ألله وسلم.
علرسول واله ساده. أنهني حيدربالولاده


كل ضلام الليل نور .والطيوربشوك تسهر
سكته أذان ألعشك كبر.صلت ألجنه أعله حيدر.
والبدرونجومه ناده. أنهني حيدربالولاده


نكثت ألامي غزلهه.وكتبت أشعاري غزلهه.
من أحتلال ألحب نزلهه.أنغزت روحي ومن غزلهه
.وطن أنه بلاسياده. أنهني حيدربالولاده

‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘كلمات حيدرموسى الخفاجي






































ياعلي علي ياعلي ياعلي علي يا علي
*****************************

.ياعلي حبك حياتـــــــــي ومهجتي.
علي ياأجمل لفـــــــــــظ في لهجتي
.بروحي أثبتلك يوالي محبــــــــتي.
يابحر ينبع عــــــــسل ياجنـــــــتي.
.
ياعلي علي ياعلي ياعلي علي يا علي

جنة إلفردوس من حسنك تـــــــــــذوب.
غيردربك ماألي بهاي ألــــــــــــدروب.
شمس تشرق علأرض وقت ألغروب.
فوك جنح ألبحرأياتك تجــــــــــــــــوب.
.ياعلي علي ياعلي ياعلي علي يا علي

علي أبائك أنه وألعالم نضيـــــــــــــع.
من حرارة حبك أيذوب ألصقيـــــــتع.
ومن برودت نارك يهب ألربيــــــــــع.
علمتني شلون أشري وماأبيــــــــــــع.
.ياعلي علي ياعلي ياعلي علي يا علي




بسرسحرعيناك تتسله ألـــورود
.اتعطلت عن ألعمل لام ألجحود.
هيبتك تقلع علي كلوب ألأســـود.
وأرق من خدألطفل لطفك ودود.

ياعلي علي ياعلي ياعلي علي يا علي

تلتمس لمساتك أحلام ألزغـــــــار
.وتبتسملك ياعلي شفاف ألنهــــار.
روحي ماتحمل بعدلحظه أنتظـــار.
عليك دخلت ذابت ومني تغــــــار.
ياعلي علي ياعلي ياعلي علي يا علي


**********************************************الشا عر*حيدرموسى الخفاجي










بميلاد الانوار – فرحانه الازهار
..أنولدعباس وحسين...وعلي زين ألعابدين...
وي صاحب ألثار
----------------------------------------
.طاحت عيون ألشمس.لبست ثياب ألعرس..
بمولدحسين ألفرح..واضح بعلم ألنفس..
وألجنه نزلت.- بالفرحه ظحكت.

.وتهني ألأخيار..وي صاحب ألثار.

.خجل يتغشه ألكمر..شاف عباس ألكمر..
وألنجوم بلاوعي .سيرت وكت ألسحر..
وألحب يسلمان.متحمله ألأبدان..

عشكك يعمار.وي صاحب ألثار.

.وألصحيفه رتلت..بزين ألعبادأحتمت.
وألنوارس هلهلت..وألورودأتكلمت.....
.ولسان ألعيون.من يحجي مجنون.

فرحانه ألأنظار. وي صاحب ألثار


.طيركلبي ويرتفع بحظرتك يوكع شمع
.بحبك أيذوب ألمحب.بنورك حسين أليشع..
قاظي ألمشاعر.لحكامه حاظر.

مخزونه ألأسرار. وي صاحب ألثار

.مولدألمهدي ألفجر.ألأرض فاحت بالعطر.
ألفرحه من كبرألسمه. شلون يوسعهه ألصدر
.تسحرنه ألأيات.خجلانه ألأبيات
.
وي ليل ألأسحار. وي صاحب ألثار

أنهني طه وفاطمه..وعلي حماي ألحمه .
وألكواكب تجتمع.ترسم أسمك بالسمه..
يحسين ألأفراح.دلالي تجتاح.

ميلادألأطهار- - - - وي صاحب ألثار
***********************************شاعرالمنبر--- حيدرموسى الخفاجي












يا شمعة الليل – من حسنك ادخيل
ادري سمو ك الكمر- لئن انت اجمل بشر

وردة حنيني------- تسكيهه العيون
بخدودي دمعات – الكاهه زيتون
دكتور الاشواك – وصفني مجنون
بحبك يعباس- --من زغري مفتون
خيوط البنفسج- انسجهه للحج
احج بثياب الفخر— لئن انت اجمل بشر

ياكعبه الراي – جفينك اعياد
تجسي المساكين – وتوزع امراد
وعيوني رادود----- تقرالك انشاد
ودموعي الابيات- وشفافي الاعواد
من اشرب الماي------ ادري يرواي
انت جفينك بحر- لئن انت اجمل بشر

ظل شعري خجلان- واسهر ليالي
وي ليل الاحلام---- سارح خيالي
من تصدراحكام –--- ختم اعتقالي
قررهه حبك------ بي يغالي
سجنك جناني-- وكلبي هجاني
واعتقال الحب صدر-- لئن انت اجمل بشر
تضحك للغيوم- عين الصحاري
ويضحك للاشجار- جنح الكناري
محد يلومك --------لا يالغفاري
علم اليحبون---- حب مو تجاري
واليكطع اجفوف-- للخوه معروف
منك ايخاف الخطر---- لئن انت اجمل بشر

يا صاحب الماي- حبك سحرني
للحب يرواي- حسنك يجرني
بالحضره ساكن –كلبي وهجرني
دلالي ولهان –---- لاماعذرني
بكل شدهاناديك- تنقذني بيديك
كمر يخجل من كمر--- لئن انت اجمل بشر
***************************************شاعرالمنبر- حيدرموسى الخفاجي
















شمس انت بنهاري- كـــــــــمر انت بمسائي
يمن بالارض عيناي- صرت نجمه بــسمائي

عزف ناي العشك بالروح اهات -حبيبي بغيبتك طال انتظاري
اخاف الموت يدركني يرجواي - واعيش بليل ماشوفن نهاري
من حسنك حبيبي اتغار الـورود- ياباب يأمــــل لاتبقى مسدود
طيروجنحي ماطار-- تبلل من بكائي- صرت نجمه بسمائي

البعض مجنون يتهمني اعله حبك بجنون العشك اصبحت فنان
وشفاف الغرام بعمري تشرب بجف الحب صرت ياناس فنجان
نحله وفاركت وردة املهه - - ماتكدر تسولف من خجلهه
اسئل عني الانجوم -النيازك عن عنائي- صرت نجمه بسمائي

سهرت الليل حد ذبلت عيوني- - ضل من السهرذابل صباحي
الكوكب تعرف اسمي وليل الاسحار- صادكت الكمر يفهم جراحي
يفهمني الهدوء وصفنت النار- يسرح بالي وي ترتيل الاسفار
نضرت النور ماجاي- ندبتك يارجائي- صرت نجمه بسمائي

المت الجرح والمت الالام- - جروح الاه لاماالمتني
عدا سهم الشماته اليجرح الروح- - عدوانك يغايب عذبتني
طعم المر صبح بالساني تفاح- - ولهيب النار مثل الثلج لوفاح
عليك شماانه صليت- اخافن من ريائي- صرت نجمه بسمائي
شمس الله تطيح بحظرت حسين—على الشباج شدت عللك تبجي
ثاري الشمس عميه وفكدت الشوف-على فراكك يمهدي اتريد تحجي
زحل بيهه يكود وكصد عباس—وعطارد ينتظريحسب بالانفاس
اظل اندب يمولاي- -ماتسمع ندائي- صرت نجمه بسمائي
خادمكم الشاعر—حيدرموسى الخفاجي
يبو صالح نظل نحسب -- كل صبح ومسه نندب
.ألورديحلم يشم خدك- نعرفك صادق بوعدك.
.
.ليالي ألجمعه تندب ولجوامع
.نشيدأسمك نخطه أعله ألشوارع..
يمهدي تنادي بسمتنه ومدامع
.نشيدو لحنه سجدات المراجع
.عجل بالفرج وظهر.-نشوف وشاحك ألأخظر
.ألدنيه تخظربودك...نعرفك صادق بوعدك.
..
جفك ياأبوصالح حمامه
.تمسح بالجنح روس أليتامه
.دنيانه صبح وأنت أبتسامه
.تكربغدادوعيون ألمنامه.
على أشفاف ألوردشمعه.وليالي ألتسحرألدمعه.
نعزف بس لحن ودك.نعرفك صادق بوعدك..

شعرألشمس فوك ألكاع ينزل.
.تمشطه رمشونه وعالعين يسدل.
على صدورألنجم رايات نجمل.
يالمهدي غيابك حيل يكتل..
.نريدألرايه ترفعهه.كراسي ألظلم تقلعهه.
.بالحق يرتفع مجدك..نعرفك صادق بوعدك..




غيم ألاه طوق كل سمانه.
.بلكت ألله يسمع مندعانه.
.يعجل بالفرج يظهررجانه..ويبيدألظلم بيده حمانه.
.سحابات ألأمل عينك.تسكي كل أمل دينك.
.ياعهدألنبي عهدك---- نعرفك صادق بوعدك

شجره وألخريف أسقط وردنه.
.وينك يالربيع ألهم وردنه.
.ردنه ألصورتك ننظروردنه..
حكم حيدريمهدينه وردنه.
ألحكم طه ترجعنه. أ--عله حبك كلنه تجمعنه.
جرح ماينجبربعدك ----..نعرفك صادق بوعدك

حيدرالرميثي













تضل بعيوني ياحيدر-عسل بشفافي يتفجر
علي يابا الحسن حيدر
غيمه تمطرامالي- وربيع احلامي يالــــوالي
اذالحضة نسيت اسمك- احس تتغير احوالي
يشمعه اتغازل ايامي- تهيج شوكي وهيامي
بكتابي الايه تتفسر-- علي يابا الحسن حيدر

اضل بحبك اتغازل – علي وبأسمك اتفائل
يدك اسمك نبض روحي- لون ذبحوني متنازل
تضل تضحكلك اعيوني- تنمي ابحبك اجنوني
انت اعله الخلك جوهر-- علي يابا الحسن حيدر

اصيحن ياعلي من اكعد- اصيحن ياعلي من انهض
على اعناد اليكرهونك- اضل بحروفك اترفـــــــض
علي الجنه علي الفرحه- وربيع وياحسن صبحه
العشك من مالك الاشتر-- علي يابا الحسن حيدر

بمفاتيح الجنان اسمك- بكتاب الله شفت رسمك
بضريحك كلبي ذبيته- روحي تفتـــــــــخريمك
جنه وبيهه اشوفنك- واطلب ياعلي منـــــــــك
اريدك بالحشرتحظر-- علي يابا الحسن حيدر
-
حتى بكبري ياحيدر- اخرسه وانتضرموتـــي
اذاعنك سكت صوتي صرخ ياعلي ابصوتي
تهيم ابحبك افكاري- اترجم شوكي بشعاري
يضل بي العشك يكبر-- علي يابا الحسن حيدر
كلمات حيدرموسى الخفاجي
مبروكه ألأفرح ***** للدنيه مصباح
أنولدعباس ألكمر*****لطميات حيدرموسى الخفاجيألله يامحله ألخبر.
*******************************
صوت ألبلابل.ترجم فرحنه.
جنح ألنوارس.غازل صبحنه..
من نهني ألمنتظر. ألله يامحله ألخبر

بيض ألمشاعر.خظره المناظر
ورديه ألأشعار.تملي ألنواظر.
تسحرك بوكت ألسحر. ألله يامحله ألخبر

يامحله عباس.لفضت حروفة.
للرايدأمراد.تكرم جفوفة
.للكرم أيه أنفطر. ألله يامحله ألخبر

بعينه ابتسامه وبشفافه ألانوار.
تعشكه ألفراشات.من صفنته أتغار.
بمولده يحله ألسهر. ألله يامحله ألخبر

.شمس ألله نزلت. كاروكه هزت
.تقبل جبينه- ومن نوره ضحكت.
ألجنه عزمت عالسفر. ألله يامحله ألخبر

بيت ألله زاره----.وقدمله ورده.
وعين ألسحابات.تغفه أعله خده.
يوسف بعينه نظر- ألله يامحله ألخبر الشاعرحيدرموسى الخفاجي
يبوصالح-------------------------------- يبوصالح .
على أشفاف ألشمس انت أبتسامه.
وعلى خدودألكمرأجمل علامه.
دموعي نجوم وخدودي سماهه
تغازل بالعيون جروحي كامت.
يايوم ألفرج مولاي يايوم
.الام ألعـــــشك بالروح نامت.
نتنطرتعودألنه بسلامه ------وعلى خدودألكمرأجمل علامه.
*****************************
على جناح ألسهريسبيني ألليل.
يبوصالح تعذبني ألليالي.
حلم عمري أشوفك وانت ألعيون
.بيك تشوف ياعالم كمالي.
بسمائك روحي تتحول حمامه- وعلى خدودألكمرأجمل علامه.
.********************************
يمن تملي ألأرض قسطا وعدلا
.امتلأ أهات دلالي بغيابك.
صحراءألكلب عطشانه للماي.
تتروه أذاتمطرسحابك.
كانون ألعشك يسعرهيامه. وعلى خدودألكمرأجمل علامه.
**********************************
على بحرك سفينه ألروح وتسير.
هامت بالبحرماتلكه ميناء.
امتحاني بالعشك خلاني مفتون.
بدرس حبك حبيبي أطوني أعفاء
اليحب معروف من تقره بكلامه- وعلى خدودألكمرأجمل علامه.
*********************************
وردات ألصبح تتنطرألماي.
ذبلهه ألعطش وانت نهرهه.
أنسكت منك محبة تريدك تعود.
دنيانه ظلام انت فجرهه.
لكل الناس مهدينه الكرامه- وعلى خدودألكمرأجمل علامه.




الشاعرحيدرموسى الخفاجي


















جــــــنة ألاحساس. أنت ياعبـــــــاس .
أليوم عيدألمسلمين مولدك وي ألحسين.
---------------------------------------------
بالمدينه أليوم هل أجمل كمــــــــــر.
وألشمس بالليل كعدت للســــــــــهر.
زمزمزم من ألفرح كل مايه أنفــجر.
وألقصايدزارتك كلهه صــــــــــــور.
بيك تم ألدين. --------- -- مولدك وي ألحسين

هووحده ألكلب يمـــــــــــــــك يعتني.
سيدي ألهامات يمـــــــــــــــك تنحني.
تقضي ألحاجات وألهــــــــــــم ينفني.
بيك كل ألخيروألحــــــــــــــق ينبني.
وألملائك خاشعين ----- -- مولدك وي ألحسين

.مولدحسين ألقيم وألأعتـــــــــــــــــدال.
جنة ألفردوس وايات ألجمـــــــــــــــال.
نسه روحه ألشعر وأبحربالخيــــــــــال.
هذاقانون ألعدل وألحق يقــــــــــــــــال.
ألجنه كالت كلمتين. - -----مولدك وي ألحسين


صلت أعله حسين ملهوفه ألصـــــلات.
وزارت ألعباس مشتاكه ألزكــــــــات.
بيك وردات ألأمل متحــــــــــــــيرات.
وألطيوربشوك حبك هايمـــــــــــــات.
خل نهني أم ألبنين-------. مولدك وي ألحسين

أنولد زين ألعابدين بهلفـــــــــــــــرح.
وألكمرخجلان متحيرصبــــــــــــــح.
نورللسجاد علعالم وضـــــــــــــــــح.
وألكلب بالشوك مسحوروســـــــرح.
اشرق ألنورألمبين. ------ -- مولدك وي ألحسين
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘كلمات حيدرموسى الخفاجي


















اقبل وردت احلامي----ويمك تنحني اقلامي---
تغفه ابحبك اجروحي- -----وتسجد خايفه الامي

************************************

.‏يورده أتغازل سنيني.--صوره تهل وصط عيني.—
بحبك هي تأمرني ----أذكرماتنسيني..
.أشوفك جنة اهيامي--.وتسجدخايفة ألامي..

.على بحرألدمع أرسي.ورتل أية ألكرسي.
بصباحي وفتحت عيوني-.بنعاسي وراحتي من أمسي.
.أكسرواهس أصنامي.------وتسجديمك ألامي.

.سوط ألحب يعذبني---.بجف شوكي يأدبني-
-.يعشك جسمي ظرباته.---واحس طعمه يهذبني
.أفطروأترك صيامي..---يمك تسجدألأمي.---

.أذاوحي ألشعرهايم.--ويخلي أعله ألنحرصارم-
-.أكله بحب أبوأليمه--------.تذبحني وانه ألخادم..
ألسحب تمطرنده ألهامي.--------.تسجديمك ألأمي...

. .زمزم يغسل أهاتي.------فرح يتلبس بذاتي.
أحبك ياأبوألأكبر----------.تهتف بيه ذراتي...
صدري أستقبل اسهامي..وتسجد خايفه الامي-----
حيدرموسى.



‎ميلادأبوألأحرار.تتكلم ألأنظار
.ياجنة ألايمان.
سافرحزنه.وأقبل فرحنه.
زاح ألليالي.وأشرق صبحنه.
بيك أمتحنه .أبحبك نجحنه.
وبصدرألأعداءنابت رمحنه.
تتحطم ألأحزان.
عله خدودي صفك.دمع ألتهاني.
ورتل لساني.ألسبع ألمثاني.
وشربت شفافي.ماي ألاماني.
ميت بالهموم.حبك حياني.
ظل ألكمرفرحان.
وألعجبه مكه.تحج بالمدينه.
تزوروتطوفك.يابن ولينه.
تشيل ألمحبين.أوسع سفينه.
تصفك للافراح.وحدهه أدينه.
ياقبلة ألأيمان.
يم كبرألحسين نمن كلبنه.
يسكينه عباس حبك شربنه.
وي ألحمامات ترجمنه حبنه.
مثل الفراشات بنواره ذبنه.
خل تفرح ألأكوان


كلمات حيدرموسى الخفاجي

يانجم الصبح- بلسم للجرح- ياكوكب الزهراء
****************************

مبتسمه نجمات السمه- زفت عشكهه الفاطمه
شاعر قصيده اتكلمه -----مادام ميلاد الورد
اكتب على بحرالورد
ورديه لحضات العشك والشوك ياخذني
والقلم عاشك فاطمه ابحرالعشك ذبني
ضويت الصرح------------- يانجم الصبح

كلمت امهه بالرحم- وي كل حرف يوكع صنم
ويتصوب ابليس ابسهم- مولدهه يذبح كل حقد
اكتب على بحرالورد

كوكب الزهره من انولد وياه نزل كوكب
والنيل عطشان وركض من دجله ضل يشرب
بالنور السمح------------- يانجم الصبح

نجمه وضوت وكت السحر- هالكون من عدهه انسحر
وجناح جبريل انكسر---------من كثر مابالحب يود
اكتب على بحرالورد
والجنه نزلت للارض والكوثروياهه
قبلت وجه المصطفى وحيدر تلكاهه
تكسرلي الجنح ------------- يانجم الصبح

ومريم اليوم القابله- - - - - - - - وي بت مزاحم قائله
بالفرح صامت كربله- وخضراء صارت كل نجدوداني
اكتب على بحرالورد
لبعيدالقـــــــــــــــــــــلم لبعيد وداني
شماردت اكتب فاطمه الكاهه وجداني
لااعضائي صلح------------- يانجم الصبح

علماي خل نرسم صور-- انلونهه بوراق الشجر
والبحرالابيض ماصبر -فك حزنه واصبح كالثلج
اكتب على بحرالورد
والبحرالاحمرمن سمع احمرلبس لونه
فصل اقماش من الورد والضحكه بعيونه
فرحه الما تصح ------------- يانجم الصبح

فنان واعشك كل رسم- بكل لوحه ندري الهه حجم
بس فاطمه ما تنحسم- -------لوحتهه من كبرالزمن
اكتب على بحرالورد
صورتهه اكبر خارطه وكل دوله تحويهه
الله فطر بيهه العرش كلشي انوجد بيهه
كلشي متضح ---------------- يانجم الصبح
************************************************* الشاعرحيدر الخفاجي الرميثي






ياهــــــــــله بعبــاس يابو المعظله
هلـــــه براعي الفخر تاج المرجله

فرحت الدنـــــــــيه وتغني هالنجوم
وتنزل اعله الكاع كطرات الغيوم
والنوارس في سمــــاء الحب تحوم
بكربله بالسيف حل الــــــــــمسأله

انهني حماي الحمه بهذا الــــــفرح
نهني زينب نور ابو فاضل وضح
يفرح حسين الصدر بيك انــشرح
والحزن من الارض لراح انجله

غنت الامال واوراق الشــــــــــجر
والكمر خجلان من اعظم خــــــبر
البحر الاحمر فاض كل مايه انفجر
بالمهد والعلم جفك شايــــــــــــله

طشرت روس الاعادي بالحــرب
السيف بيدك كالزلازل من تصب
مره تجمع مره تطرح بالــضرب
سيفك اعله الركب لوحه امسجله

شلت بيدك كربله وشلت الطفوف
اتكسر الارماح وخشوم الـــسيوف
وارفعت نهر الفرات وي الجروف
انت بحر الخير وانت الفاعـــله
************************************************** ****************************

الشاعر حيدرالخفاجي الرميثي




ابميلاد ابو السجاد مبتسمه الانوار
والجنه فتحت باب وانسدت النار
------------------------
الهادي صبح فرحان وي الزجيـــــــه
بالمــــــــــولد الكرار بث الهــــــــد يه
اجمل فرح والعـــــــيد للجعــــــــفريه
والفرحه عاالابــــــواب وتوزع ازهار

فكت حزنهه الكاع لبســــــــت ثمرهه
كلي الميــــــــاه شلون عافت نهرهه
برض المدينه ابشوك زخت مطرهه
كتبت اسم لحسين عالكاع الامطار
ياكـــــــــــــعبه تتعناه كلــوب الملايين
ياجنة الــــــــفردوس بيهه المـــــحبين
تعيش ابأمان الروح يم حضرت حسين
وتغازل اوردات محتفــــله الانهـــار


بهذا الفرح يعقوب فتش عيـــــــــــــونه
بحر العشك ولهان واضــــــــــح سكونه
والشاعر ابالهام سخــــــــرفـــــــــــنونه
اسمك ثمرللناس بخدود الاشجار

من حسنه يوسف ذاب من نوره خجلان
كل ايه بالقران تذكرله بالاحســــــــــــان
وكل كلمه بالانـــــــــجيل تمدح بالايمان
ماتكفي مدح النور كل هاي الاشعار

الشاعرحيدرالخفاجي الرميثي







انت ألعيدوهلاله---.صلوأعله ألنبي وأله .

هلالك ياصدرنه أفراح.بيه أتعيدأحبابك.
يالوجهك شمس للناس .جنة نشوف يم بابك.
بيك ألوطن يتلاله. صلوأعله ألنبي وأله

يهنيك ألعراق بشوك.ياأبن ألعراق ألبار.
دجله أشتاكت ألجيتك.وأشتاكينه للانوار
.أنت ألشعرواقواله. صلوأعله ألنبي وأله

يمحمدصدر ننخاك تحفض مقتدى وتنصر.
ومايبقى أحتلال وضيم.ألوطنه يالصدرتنظر.
يطيح ألظلم تمثاله. صلوأعله ألنبي وأله

عيدك يالصدرمبروك.يابوألخيروألأيمان.
صدرنه وألشعب وياك.تثوروتهزم ألطغيان
الحبك ساكن اباله0 صلوأعله ألنبي وأله
-------------------------حيدرموسى الخفاجي

.صاحت انصارك سيدمقتدى عيدك مبارك سيد مقتدى
.عيـــــــــــــــــــــــــــــــــــــــــــــــ ـــــــــدك مبارك.
مبروك هذاألعيد.ألأفراح كون أتزيد.
ونخلي أيدبأيد.مجد ألعراق أنعيد.
نفهم أفكارك سيد مقتدى . عيدك مبارك سيد مقتدى

أنصارألك للموت.عشددنبقة نفوت.
من نهزم ألطاغوت.عاش ألصدرهلصوت.
نسمع أخبارك سيد مقتدى. عيدك مبارك سيد مقتدى

نتمنه أنه تعود.يابوألكرم وألجود.
وياك كلنه جنود.بيك ألكلب مشدود.
ترهب أنوارك سيد مقتدى. عيدك مبارك سيد مقتدى
أدبت ألأمريكان.من تنفجر بركان.
يامقتدى ألأيمان.ياثوره عالعدوان.
واضحه أسرارك0 سيد مقتدى عيدك مبارك سيد مقتدى0
الشاعرحيدرالخفاجي الرميثي

كل عام وانت بخيريامقــــــــتدانه
0يبن ألصدروتدوم نجمه بسمانه.
مبروكه ألأعياد- يبن ألأطايب.
ويلتم شعبنه- لمت حبايب
.بحرألكرم وألجود نورك ضوانه
.راية وطنه -بيدك يمولاي.
تحررعراقك-.تكدريرجواي.
للعدل وألأيمان صوتك هدانه.
للذله هيهات --.صوتك ينادي
.واحدوطنه -.وتخسه ألأعادي.
للكلب حبك ماي ميل ضمانه.
عيدك يسيد-.فرحه وأماني.
نقدملك بشوك.-أحله ألتهاني.
نهرألفرات بشوك غنه بمكانه
الشاعرحيدرالخفاجي الرميثي





امي امي – امي امي – امي امي
امي روحي ******* وطب جروحي
امي من بعدالله امي- والهوه الأشتمه امي
----------------------------------------------
امي خيمه السمه جواههه تنام
وبحضنهه تنام مرتاحه الشمس
عيون امي البحر الابيض من تفيض
وي جرحهه ينذبح كلب القدس
امي دكتور المشاعروالنفوس
ومنهه يتعلم علــــــــم علم النفس
من لبن امي رضعت الياسمين
ومن اشم انفاسهه الفردوس احس

امي بسمه –واحله نسمه
والربيع الدافي امي
---------------------------------------------------
لون خلك امي ربع لحضه يضيج
بقفص كل هاي الكواكب تنحبس
ببتسامتهه يهب فصل الربيع
ولون تفرح تصبح الدنيا عــــرس
من خيال امي خجل يغفه النهار
وسكته يمشي الليل وانفاسه هـمس
لوحه من تصفن هواجس للحواس
احساس سادس هي مكتشفه الخمس
امي روحي -وطب جروحي
دمعتي وضحكاتي امي
------------------------------------------------
عدهه فطره وطيبه معجونه بحنان
وابساطتهه شكثرداخ الــــدرس
تحت شيلت امي انجيل المسيح
وفوك راس امي اني قران التمس
امي رايه اترفرف ابكبر الزمان
امي حارس عالوكت ماتنحرس
امي وصتني الوطن بالك تبيع
والشعب كلهم اخوتك لاتمس
امي ليلي – وامي صبحي
ولوعطش دلالي امي
--------------------------------------------
امي ثوره اليوم ضد المعتدين
امي اسطورة صبر تاريخ امس
بمعركة ذي قارنه اتحشم ببوي
وسببت نصر العراق اعله الفرس
امي ياأجمل قصيده بهلوجود
من قوافيهه ورد جوري اقتبس
فوك جنح الجنه تتعمد تسير
وعين دجله بس تصدهه تنترس
امي شمعه - وامي دمعه
هلهلت بالثوره امي ---------------

--حيدرموسى الخفاجي



أحبك ياعلي.ياأعظم ولي.
أحنه ألأرض وانت ألشمس تشرق علينة.

ياأجمل اسم.بروحي منرسم.
من أذكرعلي .كلبي أليبتسم.
ينغام ألفرح.دلالي أنشرح.
نوح بجمالك مندهش قادألسفينه.

أحلامي ألعيدن.عنك سولفن
.يامحله ألوسن.بذكر ابوألحسن.
تحضرشدتي.بساعة وحشتي.
ياعلي وحدك بالكبرأنت ألتجينه.

كلنه أنبايعك.جينه أنشايعك.
للحق يالوصي.تهتف نسمعك.
يالفضة علي بحلك ألوائلي.
ألهه طعم مثل ألشهدكلمة ولينه.
قران ألفجر.ياليل ألقدر.
دنياوأخره بيك أنه أفتخر.
أيات ألنبأ.ياأعظم نبأ.
أنت ألصلاه وانت ألزكاه واية نبينه.

ياروح ألقدس.يانورألشمس.
بنهجك ياعلي.ضحينه ألنفس.
نفديك ألعمر.ياباب أليسر.
كل موءمن أنت ياعلي شعلة يقينه



كلمات حيدرموسى الخفاجي








مولدك يالعسكري بي فرح كل جعفري

بمولدك كل الارض صارت ربــيع
انولد نورالكون للعالم شــــــــفيع
نشكرالله الخالق الباري الشفيــع
الله نزل رحمته والحق يشـيــــع
من تكحل ناظري بي فرح كل جعفري

الدنيا وي هذا الخبـــر متبســمه
انهني الهادي وملائكــــة الـسمه
انهني الكرار والحـــــق فاطــمه
الليل صافن والفرح ظل يرسمه
انجبر كلبي وخاطري بي فرح كل جعفري


طافت بروحي سنـــه احلام الســهر
هدهد اسليمــــان مــــــن ذاع الخبر
هب خيالي اعله المدن طاف السفر
اعله بساط الحـب اطيرالقي النظر
غائبي وي حاظري بي فرح كل جعفري

نزف للمهدي التهاني بكل شــــــرف
والشعرشفاف بي ريحـــــة تـــــرف
مايهمنه الي انحرف والي انجـــرف
بخدمة ال البيت دلالي اغـــــــــترف
ماي حبهم مفخري بي فرح كل جعفري
منك شــــــــراد الامام اخذ النجات
نلتزم بالـــــــدين واحكــام الصلات
الامر بالمعروف واجـــب والزكات
نحسن الاخـــلاق نبغي المكرمات
ياشمسنه اتصوري بي فرح كل جعفري
الشاعر حيدرموسىىىىىىىىىىىى

  رد مع اقتباس

 

 

 

قديم 10-03-2012, 08:57 AM   #2
شيعي الخالص
عضو متميز

الدولة :  العراق ..ديالى.الخالص
شيعي الخالص غير متواجد حالياً
افتراضي

بسم الله الرحمن الرحيم
اللهم صل على محمد وال محمد الطيبين الطاهرين وعجل فرجهم وارحمنا بهم

بارك الله بك اختي المواليه
  رد مع اقتباس

 

 

 

قديم 10-12-2012, 08:27 PM   #3
نور الهدايه
 
الصورة الرمزية نور الهدايه

الدولة :  دار الخير
نور الهدايه غير متواجد حالياً
افتراضي

شـكــ وبارك الله فيك ـــرا لك ... لك مني أجمل تحية .
  رد مع اقتباس

 

 

 

قديم 01-10-2013, 07:04 PM   #4
برلنتي
موقوف

الدولة :  بين خيالي واحلامي
هواياتي :  الرسم وسماع الموسيقي
برلنتي غير متواجد حالياً
افتراضي

يعطيك العافيه
  رد مع اقتباس

 

 

 

قديم 01-11-2013, 04:47 AM   #5
هاجر
عضو فعال

هاجر غير متواجد حالياً
افتراضي

موفق بإذن الله ... لك مني أجمل تحية .
  رد مع اقتباس

 

 

 

إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Loading...


Powered by vBulletin Version 3.8.7
Copyright ©2000 - 2014, Jelsoft Enterprises Ltd